Saksihan ang seremonya ng “Pag-iilaw 2024,” ang hudyat ng panimulang pagdiriwang ng Kapaskuhan sa UP Diliman (UPD), na gaganapin sa Biyernes, Disyembre 6, 5:30 n.h., sa Oblation Plaza.

Matutunghayan dito ang tradisyonal na pagsisindi ng mga Pamaskong ilaw sa buong kampus sa pangunguna ng pangulo ng UP at ng tsanselor ng UPD.

Bahagi ito ng mga aktibidad para sa “2024 Year-End Program” na may temang “Nilay at Sikhay.”

Mapapanood din ito nang live sa Facebook page ng UPD Office of the Vice Chancellor for Community Affairs.